Жаңалықтар

• 21.04.2026 Мектебімізде әр апта сайын тазалық жұмыстары жүргізіледі. Бұл шара оқушыларды еңбекқорлыққа, ұқыптылыққа және қоршаған ортаны таза ұстауға тәрбиелейді. Әр сыныпқа арнайы міндеттер бөлініп, оқушылар өздеріне тапсырылған аумақты ретке келтіреді. Тазалық күні сынып бөлмелері жуылып, тақталар сүртіліп, парталар реттеледі. Сонымен қатар, мектеп ауласы да назардан тыс қалмайды: қоқыстар жиналып, гүлдерге су құйылып, айнала көркейтіледі. Мұндай жұмыстар оқушылардың бір-бірімен ынтымақтастықта жұмыс істеуіне көмектеседі. Тазалық жүргізу – тек міндет қана емес, сонымен қатар жақсы әдет қалыптастырудың бір жолы. Таза мектеп – дені сау, білімге құштар оқушылардың кепілі.
• 15.04.2026 12 сәуір – Ғарышкерлер күні құтты болсын! Бұл күн – адамзаттың ғарышты бағындырудағы алғашқы үлкен қадамының символы. 1961 жылы Юрий Гагарин алғаш рет ғарышқа ұшып, тарихта мәңгі қалды. Біз үшін бұл мереке ерекше мақтанышқа толы. Себебі қазақ жерінен шыққан батыр ғарышкерлеріміз бар:
• 10.04.2026 ҚҰТТЫҚТАЙМЫЗ ҚҰТТЫҚТАЙМЫЗ .9-сынып оқушысы Жанболат Рукия . Ақмола облыстық білім басқармасының жанындағы «Bolashaq Saraiy» ұйымдастырған «Ауа, су, жер» экологиялық 9–11 сынып оқушылары арасында өткен ғылыми жобасында өз тәжірибесімен бөлісіп, беделді додаға белсене қатысып, өз білімін жоғары деңгейде көрсетіп сертификатпен марапатталды. Жетекшісі: Жакиенова Анар Сериковна алғыс хатпен марапатталды Дайындаған жетекшісіне алғыс білдіреміз. Білімді шәкірттеріңіз көп болсын!
• 01.04.2026 Ақмола облысы білім басқармасының Зеренді ауданы бойынша білім бөлімі «Ескенежал негізгі орта мектебі» коммуналдық мемлекеттік мекемесінің 2025 жылы мемлекеттік көрсетілетін қызметтер аясындағы қызмет туралы есебін көпшілік талқылауды өткізу қорытындысы
• 26.03.2026 22 наурыз – Ұлыстың ұлы күні құтты болсын! Мектебімізде Наурыз мерекесі жоғары деңгейде, мазмұнды әрі көңілді түрде аталып өтті. Бұл мереке ұстаздар мен оқушыларға ерекше әсер сыйлап, ұлттық салт-дәстүрлерімізді кеңінен насихаттауға мүмкіндік берді. Мерекелік бағдарлама барысында әндер айтылып, ұлттық ойындар ұйымдастырылып, көріністер қойылды. Оқушылар белсенді қатысып, өз өнерлерін көрсете білді. Осындай шаралар арқылы оқушыларымыздың ұлттық құндылықтарға деген құрметі артып, бірлік пен татулық нығая түсті. Ұлыс оң болсын, ақ мол болсын! Наурыз мейрамы әр шаңыраққа береке мен ырыс әкелсін!
• 10.03.2026 8 Наурыз – Халықаралық әйелдер күні. Біздің мектебімізде 8 Наурыз – Халықаралық әйелдер күніне арналған мерекелік іс-шара жоғары деңгейде өтті. Мереке барысында оқушылар аналарға, әжелерге және ұстаздарға арналған жүрекжарды құттықтауларын айтып, әсем әндер шырқап, билер билеп, түрлі көріністер көрсетті. Бұл күн – нәзіктік пен мейірімнің, жылулық пен құрметтің мерекесі. Оқушыларымыз өз өнерлері арқылы аналарға деген шексіз алғыстары мен сүйіспеншіліктерін білдірді. Барша аруларды көктемнің шуақты мерекесімен құттықтаймыз! Сіздерге зор денсаулық, бақыт, отбасы амандығын тілейміз!
• 25.02.2026 «Ақмола облысы білім басқармасының Зеренді ауданы бойынша білім бөлімі Ескенежал ауылының негізгі орта мектебі» МКҚК 2025 жылғы есебі. /public/files/2026/2/28/280226_001927_1publichnoe-obsughdenie-2025-rus.docx   /public/files/2026/2/28/280226_001945_2publichnoe-obsughdenie-2025-kaz.docx
• 24.02.2026 «Конституциялық өзгерістер: олар не үшін және қалай қабылданады» Аудандар мен қалалардың білім беру ұйымдары үшін Конституциялық өзгерістер — мемлекеттің құқықтық жүйесін жетілдіруге, қоғам сұранысына жауап беруге және елдің тұрақты дамуын қамтамасыз етуге бағытталған маңызды қадам. Мұндай өзгерістер азаматтардың құқықтары мен бостандықтарын қорғауды күшейтуге, мемлекеттік басқару тиімділігін арттыруға және демократиялық институттарды нығайтуға қызмет етеді. Конституцияға өзгерістер енгізу белгіленген заңнамалық рәсімдер арқылы жүзеге асырылады. Әдетте бастама уәкілетті мемлекеттік органдар тарапынан ұсынылып, қоғамдық талқылаудан өтеді, содан кейін Парламентте қаралады немесе республикалық референдум арқылы қабылданады. Бұл үдеріс ашықтық, заңдылық және халықтың қатысу қағидаттарына негізделеді. Білім беру ұйымдарының басты міндеті — білім алушылардың конституциялық сауаттылығын арттыру, құқықтық мәдениетін қалыптастыру және белсенді азаматтық ұстанымын дамыту. Осы бағытта тәрбие сағаттары, ашық сабақтар, пікірталастар мен ақпараттық кездесулер ұйымдастыру ұсынылады.
• 13.02.2026 «Ақмола облысы білім басқармасының Зеренді ауданы бойынша білім бөлімі» «Ескенежал ауылының негізгі орта мектебі» коммуналдық мемлекеттік мекемесі 2026 жылдың 1 наурызына дейін ресми интернет-ресурста мектептің 2025 жылға арналған мемлекеттік қызметтер көрсету мәселелері бойынша қызметтік есебінің ашық талқылауға ұсынылатынын хабарлайды. Осыған байланысты барлық ниет білдірушілерді ашық талқылауға белсенді түрде қатысуға шақырамыз.
• 12.02.2026 Есірткі заттарын тасымалдау, қолдану, тарату, сондай-ақ оны біреуге ұсыну – ауыр құқықбұзушылық екені түсіндірілді. Білімсіздік пен әуестік салдарынан жіберілетін қателіктердің, байқамай тасымалдаушыға айналудың және есірткінің табыс көзіне айналуының ауыр салдары туралы айтылды. Оқушыларға «Закладчик», «Мать» тақырыптарындағы бейнероликтер көрсетіліп, мұндай әрекеттердің адам өміріне, болашағына және отбасына тигізер зияны кеңінен түсіндірілді. Мақсат – жасөспірімдерді заңға қайшы әрекеттерден аулақ болуға, өз өмірі мен болашағын қорғауға тәрбиелеу. #ЗАҢЖӘНЕТӘРТІП #ЗаңменТәртіп #Ақмола #ТәрбиеСағаты #ЖастарғаЕскерту